राष्ट्रीय स्तरावरील गरुडझेप पुरस्काराने प्रा.डॉ.सुभाष हुलपल्ले सन्मानित

राष्ट्रीय स्तरावरील गरुडझेप पुरस्काराने प्रा. डॉ. सुभाष हुलपल्ले सन्मानित

मुरूम ता.(०१)(प्रतिनिधी) ईगल फाउंडेशनच्या वतीने जाहीर करण्यात आलेल्या राष्ट्रीय स्तरावरील गरुड झेप पुरस्काराचे वितरण गणपतीपुळे जि. रत्नागिरी येथे नुकतेच उत्साहात पार पडले. यावेळी शैक्षणिक क्षेत्रात उल्लेखनीय कार्य केल्याबद्दल श्री माधवराव पाटील महाविद्यालय, मुरूम येथील प्रा. डॉ. सुभाष हुलपल्ले यांना गरुडझेप पुरस्कारा’ने सन्मानित करण्यात आले. रविवार ता.(२९) गणपतीपुळे येथे आयोजित करण्यात आलेल्या या कार्यक्रमात शैक्षणिक, सामाजिक, राजकीय, औद्योगिक क्षेत्रात केलेल्या उल्लेखनीय कामाची दखल घेऊन काही निवडक व्यक्तींना गौरविण्यात आले. ईगल फाउंडेशनचे अध्यक्ष तथा महाराष्ट्र पत्रकार संघाचे राज्याध्यक्ष विलासराव कोळेकर यांच्या उपस्थितीत संपन्न झालेल्या कार्यक्रमात येवल्याचे आमदार नरेंद्र दराडे यांच्या हस्ते प्रा. डॉ. सुभाष हुलपल्ले यांना सन्मान चिन्ह व प्रमाणपत्र देऊन सन्मानित करण्यात आले. या कार्यक्रमाच्या अध्यक्षपदी येवल्याचे आमदार नरेंद्र दराडे तर प्रमुख अतिथी म्हणून सहाय्यक पोलीस आयुक्त मनीषा नलावडे व ज्येष्ठ विधिज्ञ राजशेखर मलुष्टे, महाराष्ट्र पत्रकार संघाचे नाशिक जिल्हाध्यक्ष सचिन बैरागी, जिल्हा सचिव किरण काळे, आटपाडीच्या पंचायत समिती सभापती सौ. भूमिका बेरगळ, माजी सैनिक खंडू दूधभाते, वैभव पाटील आदि प्रमुख पाहुणे उपस्थित होते. यावेळी ईगल फाउंडेशनचे अध्यक्ष विलासराव कोळेकर, उपाध्यक्ष सागर पाटील, सचिव शेखर सूर्यवंशी, प्रकाश वांजळे, दीपक पोतदार, शालन कोळेकर, उस्मानाबाद जिल्ह्यातून बेबीसरोजा हुलपल्ले, कमल दूधभाते , सुयश हुलपल्ले, उल्हास दूधभाते, आदी मान्यवर उपस्थित होते. या कार्यक्रमाचे सूत्रसंचालन संजय जाधव यांनी केले. प्रास्ताविक विलासराव कोळेकर यांनी केले तर आभार प्रकाश जोंधळे यांनी मानले.